يسعد مساها

كاظم :

يسعد مساها الليل يا وجه الأحباب ..
يسعد مساء السعد فيكم وفينا ..

عندي سؤال وبسأله من ورا الباب ..
هل شمس ولا بدر مقبل علينا ؟
هل شمس ولا بدر مقبل علينا ؟

أحلام :

يا سائل الأحباب .. بعيون الإعجاب ..
سهل السؤال .. وبالإجابة درينا ..

دام الليالي للبدر ستر وحجاب ..
ما في غير البدر يمكن يجينا ..

كاظم :

لا شمس لاهو بدر .. وإش جاب لجاب ؟
مثل اللتي تقبل أبد .. ما رأينا ..

مادام وجه الشمس .. والبدر بالباب
محدن سوى شيخة يقبل علينا

كاظم :

طلت علينا شيخة البيض والحور ..
تمشي وكل النور يمشي معاها ..

كأنها تجر الصرّ في ليلة النور ..
وأجمل مسا في الكون يحسد مساها ..

أحلام :

هذا المسا من حقه يكون مغرور ..
من حقه يهنى بشوفها ويتباهى ..

وإن هو نسى فجره بلا شك معذور ..
نام الضيا كله بطلة ضياها ..

كورس رجال :

تمشي وتنبت تحت خطواتها زهور ..
والورد يلثم من شذاها .. شذاها ..

كل ما تميل يميل هالورد مجبور ..
وده يلاقي من رضاها .. رضاها ..

كاظم :
عالحلوة شيخة .. سمت قلوب وعيون ..
من زينها من نورها من حسنها ..

يغار منها الوصف .. في كل مزيون ..
حتى السهول اليانعة .. في غصنها ..

عالشيخة شيخة .. سمت قلوب وعيون ..
من زينها من نورها من حسنها ..

كورس رجال :

بنت انربت في ديرة العز والجود ..
فيها الوفا والطيب والحب زايد ..

بنت القروم اللي لهم مجد مشهود ..
سادات قوم ساميين العوايد ..

الشيخة شيخة قصر عالي ومفنود ..
يكفيها فخر بجدها الشيخ زايد ..

أحلام :

ربي جمع بالسعد والود قلبين ..
أحمد وشيخة والهنا والمسرات ..

يالله عساهم في الهنا سنين وسنين ..
وبقلبهم يصبح حلا العمر ويبات ..

كاظم :

عالحلوة شيخة .. سمت قلوب وعيون ..
من زينها من نورها من حسنها ..

يغار منها الوصف .. في كل مزيون ..
حتى السهول اليانعة .. في غصنها ..

طلت علينا شيخة البيض والحور ..
تمشي وكل النور يمشي معاها ..

كأنها تجر الصرّ في ليلة النور ..
وأجمل مسا في الكون يحسد مساها ..

أحلام :

هذا المسا من حقه يكون مغرور ..
من حقه يهنى بشوفها ويتباهى ..

وإن هو نسى فجره بلا شك معذور ..
نام الضيا كله بطلة ضياها ..

كورس رجال :

تمشي وتنبت تحت خطواتها زهور ..
والورد يلثم من شذاها .. شذاها ..

كل ما تميل يميل هالورد مجبور ..
وده يلاقي من رضاها .. رضاها ..